Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in require_once() (line 3157 of /var/www/vhosts/alwarsha.com/httpdocs/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 127 of /var/www/vhosts/alwarsha.com/httpdocs/sites/all/modules/ctools/ctools.module).

( ضحكة حزين ) قصائد قصيرة جدا

تااااااانى ....

بتهزى شجرة خريف

ونيلك تحتها ...... واطى

***

ياااااااهرم .....

لو كنت عالى لفوق

ف إحنا إللى تحتك .......

عدم

****

لمّا نبشوا القبر

كان فيه جمجمه

وراس ..... نعامه

****

النيل روانى ... وإنتشيت

غزل المحبه ... ع الضفاف

الراجل المحنى .. وعود

لن كنت باجرى موش بخاف

لكنى وقت الخوف ..... ب اعود

****

أبله فضيله

حدوتة الفقير ... واﻷميره

وقصر عالى بالحرس

فين انا المقتول .... على بابُه

****
ولا تفتح بيبان القلب ع الآخر

خطو السعاده بينكتب .....

للموعودين

***

سلفنى ابتسامه

***

عصافير ف زنزانه

بتنقر فى جدار خرسان

لا طايله طاقه نور

ولا دمعها ب يبان

***

لملموا الحزن اللى عتق جوّه منا سنين كتيره

بُكره نمشى وييجى غيرنا ...

نبقى سيره

يامداين فجر لينا اذنت ...

لو معشتوش النهارده بحلمكم

موتو اوفر .... للحياه

*****

احلفولها

انى اللى مُت ف ميت مظاهره

بطلق نارى

وده كان قرارى

م اعيشلهاش زفتها غصب

***

على كل سجن ويافطته كان دَمها

على كل شارع والرصيف

كان شئ مخيف

انك .... تبادلينى الغرام

***

ومتسكُنيش البَحر من تانى

ملح دمعى بيختلط .....

***

حد قال للبحر حاجه

اتحققت .. ؟

لميت قواقع شط روحى ...

همستها

كان ردها

صدعتنى ....

ورموش حبيبتك يا جدع

مبقتش لك

*****
سر موج البحر منك.....

رجرجه

***
صاحى

و

بحلمك

ليه م ادتيش قلبى ال ... غوايه

***

نصيبك منى

نبضتين أحزان

***

متقسميش قلبينا

خليهم كدا .... واحد

***

غلطان يا صاحبى

هما الصحاب بيفارقو بعض بموته واحده ....!

خليك فاكرها

***

إنصفو ضحكة حزين

صورة عبداللطيف مبارك