Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in require_once() (line 3157 of /var/www/vhosts/alwarsha.com/httpdocs/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 127 of /var/www/vhosts/alwarsha.com/httpdocs/sites/all/modules/ctools/ctools.module).

تراجيديا القلق

لسه عندك روح
م الالم تعمل سيناريو
لحلم عبثى
م الحنان تعمل اطار
علاقات جديدة
تمشى فى الليل رجلين بتتطوّح
والشارع يكح من دخان الاسى
وعيون تسح طول اليوم
ذى الشتا فوق البيوت
وترد تسهر اسئله
واما تسكر تكتشف لهجه ما
البرد ذى الموت
والوحدة طعم الخطر
احود منين؟
والغربه فى كل شبر
جنازة ساحبنى
عشان ادفن صديق
واخد عزا من العيون الميته
اه من زمانى المرواغ
وم الحقيقه اللى ما اعرفهاش
م البنت اللى حبيتها على مرمى الفراق
من شكل قسوتها الجديدة
والليالى الصقعانين
عرفت احزان لونتها
صعوبه المشاوير
حضنى مليان بالدفا
وحضنها الغطسان
راح يدفى حضن مين
اه من غيامه سارقه من عمرى اللقا
م البدء
من وقت لما ينزف الورد اعتراف
مالقتش باب
يشرح لى سر
تراجيديا القلق
شبابيك لمنفى مش باصه لقمر
وجنون بيرسم
الطريق غامض مخيف
صرخت قد الكون
نزل الشتا سكران
يخبط ف البيوت
سمعت تنهيدة شوارع كامب شيزار
وستانلى باصه للسما
والتروميات مش ماشيه خالص
انا ليه بيتهيألى انى من غياب
شبعت موت
احنا ف كياك ولا ف هاتور
كل الكوفيات صوفها بارد
روحى عريانه
وقلبى بيانو فى متحف قديم
البوم صور بترص مشهد
البحر صحبى موجو يشهد
انى مش حواديت قدام
ولا حس اهوج
اينعم على القهوة قاعد
انما ف قلبى كلام
تصقع الدنيا وهو
لسه عنده روح خطيرة
م الالم تعمل سيناريو لحلم عبثى
م الحنان تعمل اطار
علاقات جديدة
الحياة مشهد درامى
والاسامى دايرة بتودى لدواير
والخطيئه لون رومانسى

صورة صادق أمين

التعليقات (1)

يظل صادق أمين من أهم الشعراء فى مدونة العاميه المصريه

صورة إيهاب الشاعر