من أجلك أنت


من أجلك أنت
من أجلك .. موّت
إمتى يكون عنوان للشقى
غير طرف براح من توب الصمت
( لُقمة عيش بتساوى حياه)
دُعا بالخير .. مع كل صلاه
.........
..........

ودُعا ... لك


من أجلك أنت
صُمت ..
عن لغو كلام ينحشر الحلق
لجل م يروى الحلم الساقط
جوّه ساحات ..
من عُمر الخلق
ويزيح بُكره
لحد الكبت


من أجلك أنت
شُفت .. و خُفت ..
عرفت
إمتى .. إزاى راح أنوّل خطوى
يعدى طريق
وإنى أكون ف حياتى طليق
وإنى ..
أغيّر كل مبادءى
وأنزوى هنا
ف الركن الضيق


الله يسامحك
طبعت جوّه عنينا ملامحك
رسمت لينا الخوف م الشوف
ضمت كل حياتنا سراب
ف شعار زايف ملو السُمعه
مفروض لينا ف خُطبة جمعه
لخطبة سبت
من أجلك .. أنت

صورة عبداللطيف مبارك

التعليقات (1)

الاخ الشاعر
عبد اللطيف مبارك
بالرغم من كل اللى بيعمله ؛ إلا إتك بتدعو له وتقول له الله يسامحك
حاجة جميلة منك
وحشتنا..

صورة د.رضا صالح