Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in require_once() (line 3157 of /var/www/vhosts/alwarsha.com/httpdocs/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 127 of /var/www/vhosts/alwarsha.com/httpdocs/sites/all/modules/ctools/ctools.module).

فدان لعجاج




  فدان لعجاج
الميلودي العياشي


فدّان لعْجاجْ
يا فدّان لعْجاجْ
زرْعك يتْمايل ... يجْدب
ما لايقْ لحْصاد
سْبُولك ما دايْر تاويلْ
كُلها فين ايجُر
هايج …
صورتك بحر مْكشْكشْ
عوْْدْ هاربْ مقطّّع رْصانُو
كيفْ لجّم جْماحك
عْلى سرْجك نرْكب بْلا خُوف ؟
جيتي بين بْحُور
كلْ واحدْ بمْواجُوعْليكْ يرُشْ
ريح يردّك لْريح ْ
من شركية ... لْ غربية
من لمين... ل شمال
أُو حيثْ ما عندك ازْْربْ
حاني راسك لكُلْ واحد تْجاوب …
الله إيبارك فْ لعْمر
بْحال لخْلا ما عندك مّاليك
كُل شي يحْطب منّك ولا من إيساويك
من علتك إيداويك
بْعرْقُو وبْدمّو يسْقيك
نْهار حلّيتْ عيْني ف الضّو
لْقيتك واسع گد خْيالي
ما تتْقاضى
ما تْفرّطْ
عْرفتك أنت ابّا وامّي
شفْت فيك ايّام مْنورة ...
مْعرية سيگان ...
جايّة بْالهْنا
سايْگة لينا كْسيبة و محْرُوم
غلّة و تْمر
تْحزّمت گلْت نْكُون راجلْ
غنّيت شْحال من مرّة كلام الحب
ف الشْتا و الشّمس
كْبرت في النّخْوة و النّفس
تعلّمت نفهم و نتفاهم
نفرّق بين الحقْ و الظّلم
فُمّي ما نعْطيه لْحد ياكُل بيهْ الشّوك
ولا السْمن
فْرحتْ ...
بْديت بخْيالي نبني قصُور ف اسبانيا
حوّمت باحْلامي فوق كُل الدنيا
شفت الخضرة والهنا
فقت لقيتني كل مرة ف نفس الحفرة
گاعْها يزيد يغطس ف الظلمة
وانا وخّا مُخّي واسع هازْ الخير
عايش فْ الحُگرة
من رجْلي لْ ودنيّا
الريُوس العامرة موجودة ... ما قليلة
غير ما جمعتها زْرُود ...
ما جمعتها همزة سْمينة ...
كل عام دُودْ لبْطايْن يتكاثر
ف لوْسخ يجمع و يطمّر
وهمْ لعْباد يْزيد مْحاين
لا حد حْماهُم وقتل المُنكر
شْيُوخ شْحال احْترمْناهُم ...
منْ سْنين نتسنّاهُم ...
ركْبُوا ...
ما تلفْتُو اُوراهُم
الكُرْسي سْمين و رْطب ...
مافيه مسْمار
ما فيه شُوك
ينغزْ ف الظهرْ ...
ايفكّرهُم فْ عيشْة لقْهر
يوْفاوْا بكْلام گالُوه
هذي سْنين ف جْميع لمْنابرْ.

الميلودي العياشي
تيفلت في 08/06/2008
صورة الميلودي العياشي

التعليقات (2)

 
فُمّي ما نعْطيه لْحد ياكُل بيهْ الشّوك
ولا السْمن

***
 هذا البيت بمثابة الهوية الفكرية للشاعر الميلودي العياشي ـ وأنعمْ بها من هوية لها بياض الشرف ونصاعة الضمير : لا يعطي فمه لجائع ٍفقير  إذا كان يريد أن يأكل به شوكا ـ فالفقراء أحقّ بقمح الحقول من المتخمين .. ولا يعطي فمه للصوص قوت الشعوب ، أولئك الذين أدمنوا السمن والعسل على حساب المتضورين جوعا .. فكأن بالشاعر أراد القول : فمي  أحرِّض به الجائع ليأخذ حقه من سارق قوته .. وأفضح به اللص المتخم ليعيد للجياع حقوقها ... هؤلاء اللصوص الذين جعلونا نهرب من أوطاننا بحثا عن رغيف كرامة وخيمة أمان ـ أو نتخذ من الخيال والأحلام ، سفنا نعبر بها سواحل الوطن ( وهل من مأساة أكبر من أن يصبح الهروب من الوطن حلما وأمنية ؟ )
   لي بلهجة المغرب بعض المعرفة ـ ولي لأهله كثير محبة ... ومع ذلك فقد وجدت صعوبة في فهم بعض المفردات ـ لعلها أمازيغية الجذور ـ أو لندرة استماعي لها من مواطني الرباط وطنجة والدار البيضاء .   
 
صورة يحيى السماوي
الشاعر الكبير يحيى السماوي
أسعدني مرورك الكريم و أشكرك على تعليقك الجميل  .
صورة الميلودي العياشي